នារសៀលថ្ងៃទី០៩ ខែកក្កដា ឆ្នាំ២០២៤ ឯកឧត្តម ឈួន ឆាម អនុប្រធានក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមជាកិត្តិយសក្នុងពិធីប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានស្រុកគិរីវង់ ក្រោមអធិបតីភាពឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ នៅសាលប្រជុំស្រុកគិរីវង់ ខេត្តតាកែវ។
សមាសភាពអញ្ជើញចូលរួមក្នុងពិធីនេះរួមមាន ឯកឧត្តម លោកជំទាវ ក្រុមការងាររាជរដ្ឋាភិបាលចុះមូលដ្ឋានខេត្តតាកែវ និងស្រុកគិរីវង់ ឯកឧត្តម ប្រធានក្រុមប្រឹក្សាខេត្ត លោកអភិបាលរងខេត្ត តំណាងឯកឧត្តមអភិបាលខេត្ត និងលោក លោកស្រី ប្រធានមន្ទីរជុំវិញខេត្ត មន្ត្រីរាជការគ្រប់ការិយាល័យ អង្គភាពនៃរដ្ឋបាលស្រុកគិរីវង់ ព្រមទាំងមេឃុំទាំង១២ឃុំ មេភូមិទាំង១១៥ភូមិទូទាំងស្រុក សរុបទាំងអស់ប្រមាណ៣១០នាក់។
ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
